Mga taga-Commonwealth, sinubukan ang swerte sa Laro Laro Pick

Naghatid ng good music si Adie kasama ang kanyang banda sa performance ng bago niyang kantang “Silip.” At kung masisilip niya ang future, simple lang ang nais niyang makita—ang future self niyang at peace. Pero sa present, kailangan muna niyang kumasa sa 'Oooh Lala Baby' dance challenge. For today's video, iniwan muna nila ang sakit sa nakaraan dahil sila ang mga kandidata na dapat tandaan—sina Edz Amats, Binibining Jawn Delos Reyes, at Tandang D. Lito-lito na ‘yan sila, kaya para bang na-stress si Vice Ganda. Hirit ni Meme, ang gugulo nila kausap. Pero pagdating sa talent, still ganap na ganap. Sina Tandang D at Edz ang umabante sa Wit Lang, samantalang si “self-proclaimed” social media influencer Binibining Jawn ay umuwing lotlot at matutulog na lang. Samantala, kinumusta ni Vice Ganda si Ryan Bang matapos mag-trend sa social media nitong mga nakaraang araw dahil sa pagpunta niya sa concert ni Yeng Constantino. Si Ryan, napaiyak at nag-relapse na lang. Laro-laro lang pero ang laban ay seryosohan. Kaya dapat diskarte at tapang ang gawing puhunan. Mga players mula Commonwealth, Quezon City ang nagpagalingan para sa chance na maiuwi ang POT money sa kani-kanilang tahanan. Nakipagkuwentuhan muna ang hosts kay RJ, ang barbero na hindi kuwenong barbero lang kung umibig. Kilig! Lahat ay napangiti sa six-year relationship nila ng girlfriend na si Angelika. Hair goals din ang expertise ni Cheska, na nagtatrabaho bilang hairstylist. Pero pagdating sa challenges, si Weng ang naka-goal dahil siya lang ang naka-survive pagkatapos ng second round pa lang. Diretso na siya sa Jackpot Round, kung saan P100,000 ang maaari niyang mapanalunan. Sinugalan ni Weng ang pot question at muntik-muntikan nang tumama ang sagot. Sino naman kaya sa “It’s Showtime” hosts ang tatanghaling winner sa pagandahan ng jokes? #ShowtimeSeptemBETlaban #ItsShowtimeFullEpisode #ABSCBNEntertainment