Vice curious kung sina Ogie at Vhong

I-on ang playlist at maki-sound trip with hip-hop artist J Rose, na ipinarinig ang bago niyang single at ibinahagi ang kuwento sa likod nito. Makitawa naman sa mga kandidatang laban na laban sa Miss Q and A. Sa kanilang mga talak, atensyon mo'y mahahatak! Palaban sa puksaan sina Andrea Lim ng Pampanga, Rhian Orain ng Valenzuela, at Pau Chiu ng Manila. Ang pangalan ni Candidate No. 3, inspired by Chinita Princess Kim Chiu, na 'peg' niya at idolo. Pero sa paningin ni Vice Ganda, hindi naman si Kim ang kanyang nakikita. Para bang deja vu, namalikmata si Meme at nakita si Tado! Biro niya, "Si Candidate #3 ay nakaaway ko no'ng Season 1." Baka ito na nga ang 'closure' na inaabangan. Hirit ni Meme, "Mga bakla, aral-aral din." Pero sa hinaba-haba man ng kulitan, may dalwang kandidata na umabante sa second round, at ito ay sina Andrea at Pau. Ang tanong kay Andrea, "Papayag ka ba na marami kang pera pero na kay Vice Ganda?" At si Pau naman, natanong kung papayag siyang maging doktor kahit madali siyang mahawa ng mga sakit. Pagkatapos ng WIT Lang, si Andrea ang pinusuan nina hurado Karylle, Brent Manalo, at Miss Grand International 2025 Emma Tiglao, at itinanghal na Reyna TalakEra of the day. Sa araw na 'to, mga taga-Mahabang Parang, Angono Rizal ang bumida sa Laro Laro Pick game arena. Kapag nagsama-sama naman ang Showtime hosts sa 'You Gotta Lyric' round, ibig sabihin, masaya ang aktingan. Si Lassy, pinagtulungan na buhatin. Teka, saan n'yo siya dalahen? Best friends ni Christian ang mga alagang baboy dahil sila ang nagdadala sa kanya ng swerte at kabuhayan. Kaya 'pag nakuha niya ang P100,000 sa paglalaro sa jackpot round, ang mga alagang baboy, sure na madadagdagan. #ShowtimeNakakaOT #ItsShowtimeFullEpisode #ABSCBNEntertainment