Ralph at Emilio
It’s Fri-YAY kaya itaas ang energy para ma-manifest ang positivity! Itinaas din ni Pop Pristine Marielle Montellano ang pagbirit, na kay sarap naman talagang pakinggan. Kaya si Vice Ganda, hindi naiwasang humanga! Huwag matakot tumalak and let your voice be heard, katulad ng mga kandidata na hindi sumuko kahit bigo man no’ng una. Now they’re back, louder and wittier, sa Resbakulawan round ng Miss Q and A sa “It’s Showtime.” Na-miss ng sangkabaklaan sina Agua, Elise Kagandahan, at Carla Flores Argonza, kaya pati ang trio nina Vice Ganda, Lassy at MC ay hindi matapos-tapos ang kulitan with the candidates. Miss Q and A pa ba o comedy club? Pero hindi comedy, dahil seryoso’t malaman ang mga chukchak ng mga rumeres-baks. Ang Top 2 na sina Agua at Carla ang nag-face off sa Beklamation kung saan pareho nilang hinarap ang tanong na, “Kung may pagkakataon at oportunidad, mangingibang-bayan ka ba o mananatili ka pa rin sa Pilipinas?” Pareho ang nilalaman ng kanilang puso, oo, mananatili sila sa bansang ito. Ngunit sa huli, may isang mas umangat sa talakan. Sa Day 5 ng Resbakulawan, si Carla ang kinoronahan. Break muna sa quiz at recitation sa classroom ang mga college students ng Caloocan, dahil sa Laro Laro Pick game arena muna ang exam nila. Fun ang kuwentuhan nina Vice Ganda, Bianca Umali, at Amy Perez kay player Wawang, na super inspired sa young love, sweet love na pag-iibigan nila ni Princess. At naki-join pa si Bianca sa mga makukulit na Act-Song eksena sa You Gotta Lyric round. At sa pagpapatuloy ng kuwento ni Memerimar, nagpakilala na si Ion Perez bilang Alejandro. Ang top-notcher sa laro ay walang iba kundi si player Lea, na tinanggihan ang P25,000. Sa bilis niyang mag-solve ng Math problem, sa kanya ang P125,000 POT money! #ShowtimeOoohLaLaRoPick #ItsShowtimeFullEpisode #ABSCBNEntertainment
