Miss Q&A na 'WALANG TALENT,' nakatuwaan ni Vice Ganda
No limit ang biritan sa August 7 episode ng "It's Showtime" kasama si Angeline Quinto, na may pa-free concert sa 'funanghalian' as she performed a medley of her biggest hits. Pero ilang ba talaga ang pangarap niya—isa o sais? Once and for all, si Angge, tumalak na! Sumabak sa talakan ang tatlong beki na nagPAKsiklaban sa Miss Q and A. Meet Jericho Barrero ng Tuguegarao City, Shuits Mita ng Antipolo, at Tiny Deluxe ng Marinduque. Sa simula pa lang ng kulitan, 'amats’ na agad ni Vice Ganda si Jericho, na minsan seryoso pero madalas palabiro. Kaya hirit ni Meme, parang 'scammer' na beki! Hindi man sa kanya itinadhana ang korona sa araw na 'to, masaya pa rin si Jericho. At um-exit nang may pagbabanta! Babalik daw siya kapag may talent na! Sina Shuits Mita at Tiny Deluxe ang nag-face off sa Round 2, Wit Lang, kung saan nasubok ang kanilang creativity at wit sa mga playtime questions. Bahagya mang nalito si Shuits Mita sa tanong na nabunot, she finished her talak strong. With full confidence rin ang 'chukchak' ni Tiny, na itinanghal na Reyna Talak-Era of the day. Kuminang na parang diyamante ang good vibes at swerte para sa Madlang Players na nagmula pa sa Jewelry Capital ng Pilipinas, ang Malhacan, Meycauayan, Bualacan. Masterclass in jewelry making ang hatid ni player Kiko, isang mananara, o 'yun bang stone setter. Metikulosong sinusuri ni Mang Kiko ang mga diamonds at iba pang precious gemstones para gawing alahas. Sa gitna ng kuwentuhan, napansin nina Amy Perez at Ogie Alcasid ang diamond ring ni Vice Ganda. Kuwento ni Meme Vice, bigay ito noon ni Ion Perez bilang "engagement ring.” Bumunot ng isang player na sasalang sa jackpot, at ito ay si DJ, isang estudyante. Para sa tuition fee, sinugalan ni DJ ang P100,000 POT question, na unfortunately ay hindi niya nasagot nang tama. Gayunpaman, hindi natiis ni Vice Ganda na hayaang umuwing luhaan si DJ. Nangako si Vice na siya na ang bahala sa P31,000 na kulang sa tuition fee nito. #AgostoKoSaShowtime #ItsShowtimeFullEpisode #ABSCBNEntertainment
