Kayanin kaya ni Kim ang joke battle

Sa huling linggo ng 'Feb-Ibig' ay ramdam pa rin ang feels. Making beautiful music together, literally, sina "TNT Duets 2" 2nd placer Jezza Quiogue at Ian Manibale, na ipinarinig ang bago nilang single. Mapapangiti ka na lang talaga sa mga sagot nina Ian at Jezza nang tanungin kung ano ba ang nakikita nilang kamahal-mahal sa isa't isa. Full of serving of kulitan ang inihain sa 'Laro Laro Pick' game arena kasama ang mga taga-Navotas na sinubukan ang swerte nila. Talaga nga namang lucky si player JV, dahil sa regalong bigay ni Kim Chiu. Dahil generous si Kim, i-cheer naman natin siya habang sinusubukan niyang sabayan ang mga jokes ng Vhong-Jhong tandem. Kaya pa ba, Kimmy? Ang jackpot round, iginuhit sa kapalaran ng working student na si Matt. Hindi lang isa kundi dalawang trabaho ang pinagsasabay niya habang nag-aaral dahil ayaw nang abalahin sina lolo't lola sa gastusin sa eskwela. Matatanda na rin kasi ang lolo't lola na nagpalaki sa kan'ya. Kaya sa pagpili, siya'y naging wais at maingat. Go na forda Li-Pot, na nagsimula sa P5k hanggang umabot sa P30k. Pangarap na golden mikropono ang goal nila for today's video. Mga panlaban ng Region 5 ang bida sa 'Tawag Ng Tanghalan' entablado. Sina JM Yosures, Bituin Escalante, at Ogie Alcasid naman ang umupo bilang mga hurado. Kung pagiging madiskarte ang usapan, hindi magpapahuli ang mommy na si Jennelyn. Dati rin siyang working student. Sa dami ng pagsubok na hinarap sa buhay, relate siya sa kantang "This Is My Life." Mula sa pamilya ng mga negosyante si Jody Rose. Bumenta nga ba sa mga hurado ang pagkanta niya ng "My Love Will See You Through?" Sa araw na 'to, si Jennelyn ang itinanghal na panalo sa score na 90.3% laban sa 88.7% ni Jody Rose. #ItsShowtimeOnline #ItsShowtimeFullEpisode #ABSCBNEntertainment